20 May 2006

Bingtüendiki tajawuzchilarni qoghlap chiqirip Sherqiy Türkistanni Musteqil Qilayli!

Ürümchidiki ish-qur polklirigha qarashliq qoralliq saqchi qomandanliq shitabi 7-tarmaq etritidiki xitaylar terrorchi JKP we xitay millitige meng'gü sadiq cherik bolus heqqide qesem bermekte.(2006-yil 27-mart)
Sherqiy Türkistan milliy armiyisining muhim herbi bazisi Manas etrapini tajawuz qilip besiwalghan xitaylar bu yerge 'Shihezi'(Tash östeng) dep at qoyup, tajawuzchilarning bulangchiliq qilip küchiyishi üchün deslepki xitay shehrini berpa qilghan we Sherqiy Türkistanda qurushni uzaqtin pilanlighan 2-xitay örnek xitay dölitini qurup chiqqan. Bu Tash östeng shehridiki universtet. Bu universtétte wetinimizge tajawuz qilip eqip kelgen xitaylar we sepil ichidin kelgen qobul qilinip terbiyilinidu. Tash östeng universitetini 1996-yili xitay tajawuzchilar hökümiti kengeytip qurghan bolup, uning ichide 21 universtet bar. Sherqiy Türkistandiki zimin igilirini terbiyilesh üchün 55 yilda qurulghan universtet sani 21 ge yetmeydu.Emma 2-xitay döliti qilip yasalghan Tash östeng shehridiki bir universtet ichide 21 inistitut tesis qilin'ghan. Sherqiy Türkistanliq yashlarning univeristetke kirishi, oqush püttürgendin keyin ish tepishi bekla qiyin bolup, xitay tajawuzchiliri bolsa bu univeristetke udulla kireleydu we terror döletning yardimi bilen oqup wetinimizge bulangchiliq, terrorluq jinayetlirini biwaste ötküzidu, yengi qirghinchilarni, qatillarni, bulangchilarni terbiyilep yetishtüridu. Bizning yash-ösmürlirimiz bolsa namratliq patqiqigha ittiriwetilgen aililerde, yeza-qishlaqlarda temtirep ottura esirning turmushini yashaydu. Bu qaraniyet iplaslarni pap-pakiz qoghlap chiqirip Sherqiy Türkistanni azat, musteqil qilmighuche ewlatlirimizgha bext-saadet digen hergiz yeqin yoliyalmaydu. Biz jenimizni tikip tajawuzchilarn, bulangchilarni, terrorchilarni qoghlap chiqirayli!Tupraqlirimizni pakizlayli, muhitimizni pakizlayli, qoghdayli.

Xitay tajawuzchilirining qaraqchiliq, bulangchiliq, qirghinchiliq qilidighan terrorchilar gorohi xitayche ‘jitüenjün’, engilizche ‘group army’- dep atilidighan bolup, u tajawuzchilar Sherqiy Türkistan’gha 1954-yildin baslap Maozeydong bashchiliqidiki komunist tajawuzchi- terrorchilar gorohi teripidin iwertilgen bolup, ularning wezipisi Sherqiy Türkistan tupraqlirini, derya, eriq-östeng sulirini, yaylaqlirini, kan rayonlirini omumiyüzlük igellesh, türmilerni tesis qilip zimin igilirini u tupraqlardin siqip chiqirish, qarshi turghanlarni we keyin qarshi turush ehtimali barlarni qolgha elip qiynap öltürüsh, kollektip qarshi turghanlarni qilche ikkilenmey oqqa tutush qatarliq terrorluq qilmishlardin ibaret. Ular Sherqiy Türkistan xelqini aldash üchün ‘boz yer özleshtürüsh’ nami bilen sheher sirtliridin bashlap igellidi. İsh-qur polkliridiki tajawuzchi xitaylar gorohi Uyghur aptonom rayinigha emes, Beijing terrorchilar gorohigha biwaste qaraydighan bolup, ular öz aldigha edliye idarisi, siyasi- qanun komitetliri, jamaet xewpsizliki idarisi, dölet xewpsizlik idarisi, ‘zorawanliqning aldini elish etretliri’, tashqi ishlar tarmaqliri, import-ekisport shirketliri, qurulush shirketliri, dehqanchiliq, charwuchiliq polkliri, qurulush polkliri, sanaet polkliri, soda tarmaqliri, qurulush shirketliri, universal tijaret shirketliri qatarliqlarni tesis qildi. Sherqiy Türkistanda hazir ish-qur polkliri namida resmi makanlishiwalghan xitay tajawuzchilar nopusi 2 milyon yerim milyondin ashidu, ular 13 dehqanchiliq diwiziyisi, 1 binakarliq- qurulush diwiziyisi we ulargha qarashliq 174 bulangchi-terrorchi polktin teshkil tapqan bolup, Ürümchidiki bash shitabini qoshqanda diwiziye derijilik teshkilatidin yene birsi bolup, jem'i 15 diwiziyesi bar. Yeni xitay tajawuzchi diwiziyesidin 15 i Sherqiy Türkistan tupraqlirini igellep bulangchiliq- terrorluq jinayetliri bilen shughulliniwatidu-digen gep. Ulargha qarashliq sanaet, qatnash, soda, qurulush shirketliri 1513 ke yetken bolup, ular Sherqiy Türkistanning 14 wilayet, oblast we sheherlirige tajawuz qilip yerlishiwalghan. 2003-yili ish-qur bulangchi- terrorchilar gorohi changgiligha kirgüziwalghan mehsulat omumi qimmiti 28 milyart 669 milyon yüen bolup, 2002-yildikisidin 12.9% köp bulighan. İsh-qur polkliri igelliwalghan yer kölimi 6 milyon 900 ming gektardin artuq bolup, buning ichidiki terilghu yer kölimi 1 milyon 60 ming gektar. Yeza igilikide düshmenler ishlitiwatqan mexanik energiye 2 milyon kilowattin artuq.
İsh-qur polkliri türme, qoral-oq dora sanaiti, dehqanchiliq, dehqanchiliq qoshumche mehsulatliri, energiye menbesini bulash, toqumichiliq, yimek-ichmek, qeghezchiliq sanaiti, tére-xurum sanaiti, polat-tömür sanaiti, kömür sanaiti, qurulush matiriyalliri sanaiti, ximiye-sanaet, mashinisazliq, elektiron sanaiti qatarliq yüzge yeqin sanaet sestimisini tesis qiliwalghan bolup, ularning sanaet omumi mehsulat qimmiti (2003-yilila)11 milyart 400 milyon yüendin artuq, peqet ular bulap ketken kömürla 3 milyon 710 ming tonna, ular ishletken tok 1 milyart 900 milyon kilowat/saet. İsh-qur polkliridiki tajawuzchi xitaylar Sherqiy Türkistanning mülkini chetellerge setip xejleshnimu ching tutqan bolup, emport-ekisport soda sommisi 1 milyart 200 milyon amerika dollirigha yetken.İsh-qur polkliridiki tajawuzchilar Sherqiy Türkistanda bulangchiliqini kengeytish we kücheytish üchün goroh shirketlerni köpeytken bolup, ‘Baihuacun’(güller kenti), ‘Shintian guojı’(Shintien xelqara), ‘Shinjiang tienye’(Shinjiang tengri sodisi), ‘Shinnong kaifa’(Shinjiang yeza igilikini bulash), ‘İli alahide haraq shirkiti’, ‘Shinzhongji’(Shinjiang xitay asasi sodisi), ‘’Shinjiang tienxong’ we ‘Tienfu issiqliq energiyesi’ qatarliq 8 goroh shirket tesis qilip Sherqiy Türkistandiki yerlik shirketlerni musadire qilip yaki mejburi bulap zimin, bayliqlirimizni keng-kölemde talan-taraj qilmaqta. Undin bashqa ish-qur polkliridiki xitay tajawuzchiliri Sherqiy Türkistanda 38 sayahet jemiyiti we 28 (chetelliklerni kütidighan)mehmanxana qurghan bolup, medeniyet yadikarliqlirimiz, tebi’i menzire rayonlirimiz we bashqa sayahet eslihelirimizdin paydilinip 2002-yili bir yildila 38 milyon 810 ming amerika dolliri qimmitidiki tashqi perwot we 618 milyon yüen RMB payda alghan. Bu tajawuzchi düshmenler chetellikler we sepil ichidiki xitaylarni qiziqturup, aldap yanchuqidiki pulni kolash hemde Sherqiy Türkistanning igilik hoquqini menggü tartiwelish üchün jeninig beriche seyyahlargha tajawuzchiliqini, bulangchiliqini, terrorluq hökümranliqini, qirghinchiliqini mutleq yoshurup, bu tupraqlarning xitayning ayrilmas bir parchisi ikenligini, medeniyet yadikarliqlirini bolsa xitaylarning berpa qilip qaldurup ketken we hazir JKP berpa qilip beriwatqanliqini, JKP bashchiliqidiki tajawuzchilar gorohining nahiyiti mehriba, shepqetlik, mehmandost bolup, sepil ichidiki xitaylarni herzaman vizisiz teklip qilish, köchmen bolup kelse yer-zimin, bayliqlarni teqsim qilip berish, kim qarshi tursa türmilerge qamap, mal-mülkini musadire qilip elip beridighanliqini teshwiq qilsa, chetelliklerning sayahetke kelishini qarshi alidighanliqini, bu yer xitayning ikenligini, tebii menzirisi güzeli hawasi sap, qatnishi qolayliq bolup, millit örp adetke we ‘az sanliq millet’ lerge qiziqidighanlargha bolsa 400 yüen(50 amerıka dollirigha teng) desmiye selip yaki buyruq bilenla Uyghur, Qazaq ertistlerni mehmanxanigha chaqirip milliy sen’et nomurlirini körsitip beridighanliqini, ertisler bilen xatire resimge chüshiwalsa bolidighanliqini teshwiq qilish arqiliq, chetellik kapitalistlarning bu ziminning tebii bayliqlirini Sherqiy Türkistanni musteqil qilip xitaylarni qoghlap chiqarghuche tezrek, köprek bulap ketishi üchün yardem qilish, meblegh selishqa dewet qilish qatarliq heriketler bilen shughullanmaqta. Seyligahlargha xitayning butlirini tiklesh, xitayche chong xetlik wiwiskilarni yezip esip qoyup chetelliklerge burmilan’ghan we oydurup chiqirilghan tarix, yalghanchiliqni qobul qilishqa zorlash we qaymuqturush....bilen shughullanmaqta.

Biz Sherqiy Türkistanliqlar bu muqeddes 1.tupraqlirimizni,2. bayliqlirimizni, 3.barliq insaniy heq-hoquqlirimizni qayturup elish üchün xitay tajawuzchilarni qoghlap chiqirishtin bashqa hechqandaq yol yoq! Düshmen hazir küchlük bolsimu, biz ajiz bolsaqmu weten bizning, tupraq bizning, bayliqlar bizning! Biz Allah bizge ata qilghan bu tupraqlirimizni xitay tajawuzchiliridin tartip alayli, Sherqiy Türkistanni xitaysiz, pakiz weten qilip qurup chiqayli! Küresh qilayli!

0 Comments:

Post a Comment

<< Home