26 April 2006

Sherqiy Türkistandiki Xitay Türmiliri we Uyghur Mehbuslarning Pighani

Sherqiy Türkistan Qeshqer wilayiti Aqtu Nahiye Barin Yezisida 1990-yili 4-ayning 5-küni Uyghur dehqanlar komunist xitay tajawuzchilirining tajawuzchiliq, irqiy qirghinchiliq, dölet terrorliqigha qarshi azatliq we musteqilliq top oqini etip xitayni sarasimge saldi. Xitay kompartiye merkizi komiteti 5-aprel kechiche uxlimastin bu dehqanlar qozghilingining 'xarakterini bekitip', uning'gha 'eksil inqilawi topilang'-dep at qoyup, qara-qoyuq basturushqa buyruq chüshürdi.
Xitay tajawuzchi armiyisi Qeshqer wilayitidiki nechche milyon Uyghurning kütülmigen yerdin qozghhulup ularning cherikliship ketken, mustebit, terrorchi hakimiyitini aghdurup tashlap xitay tajawuzchi ahalisini Qeshqer tewesidin qoghlap chiqirip pütkül Sherqiy Türkistan miqyasida musteqilliq, azatliq urushining ewjige chiqishidin ölgidek qorqup, Qeshqerdiki tajawuzchi armiye qisimlirigha 1-derijilik urush halitide buyruq kütüshke orunlashturup, Aqsu wilayitidiki tajawuzchi qisimlirini Qeshqer shehri, Toqquzaq nahiyisi, Yengisheher nahiyisi, Aqtu nahiyisige yötkep Barin dehqanliri bilen zamaniwi qorallar bilen urush qilishqa buyruq berdi.
Aqtu nahiyisining Barin yeza teweside dehqanlar bilen urush bashlighan xitay cherikler enjantamgha qonuwalghan quchqanchtek pokuldap yer chishligili turdi. Alaqzade bolghan xitay tajawuzchi hökümiti derhal Qeshqer Yengisheherde turushluq 'jenubi shinjiang herbi rayoni' gha qarashliq Qeshqer shehridiki herbi rayon shöbisi, Yenhisheherde turushluq 18-polk, 103-polk, top-zembirekchi polk, 203-polk, qoralliq qisim(xitayche wuzhuangbu,deydu), aptomobil bataliyoni qatarliq muntizim tajawuzchi qisimlarni Barin'gha urushqa iwertkendin bashqa Qeshqer paxta toqumichiliq fabrikisidiki xitay ishchi-xizmetchilerdin teshkillen'gen 'xelq eskiri etriti' we Qeshqer shehri etrapidiki idare-organlardin qurashturghan ishchi-xizmetchiler qoralliq etretlirini Barin yezisidiki dehqanlar qozghilingini basturush üchün iwertken idi.
Öz yurtlirini chongqur söyidighan we yurtlirining jughrapiyilik ehwalini pishshiq bilidighan, imani kamil, rohi pak Barin dehqanliri chümülidek yamrap ketken tajawuzchi xitaylargha qarshi jihatni dawamlashturdi. Barin dehqanlirining oqini yep yer chishligen alwasti xitayşarning taaplirini Yengisheher nahiyisining jenubi teripide Xoten yoli boyigha jaylashqan xitayche 'inqilawi qurbanlar qebristanliqi' dep atilidighan, Uyghurlar bolsa 'siytang'(ölük kömüdighan öy-digen menidiki xitayche söz) yerge mash renglik herbi yük aptomobilliri bilen her küni digüdek toshup kelip kömüshke bashlidi.
Beijing hökümiti bu talapetlerdin xewer tepip alaqzade bolghan halda derhal 'özining yeghida özining göshini qorush' taktikisini ishqa saldi-de, jenubi shinjiang herbi rayonigha qarashliq 18-polk ichidiki 100 din artuq Uyghur eskerlerni aldinqi sepke iwertti. Barin dehqanliri bilen urushiwatqan xitay cheriklirining aldida Uyghur eskerler bar idi, Barin dehqanlirining közi bek roshen bolghachqa Uyghur eskerlerge xitap qildi:'Qerindashlar, siler sel yan'gha ötüp turunglar, bizning öltüridighinimiz arqanglardiki tajawuzchi xitaylar'.....
Uyghur eskerler arqigha chekinse xitay eskerlirining oqigha yem bolatti, aidigha mangsa öz qerindashliri.....ikki tashning arisida qalghan Uyghur eskerler amalsiz aldigha qarap aldirimay ilgirilidi. Ehwalni körgen Barin dehqanliri ishtin ilgiri xitayni qarigha elishni obdan meshq qilghan bolghachqa Uyghur eskerlerning boyun yenidin, qoltuqidin, ikki putining arisidin qarigha elip arqisidin keliwatqan xitay cheriklirini etishni dawamlashturdi, Barinliqlarning atqan oqliri zaya ketmeyitti, oq awazi chiqishi bilenla Uyghur eskerning arqisida keliwatqan xitay cherik:'eyya'-depla yerge düm chüshetti....urush dawam qildi, ölgen cherikler 'sitang'gha mash reng herbi mashiniliri bilen herküni toshuldi.....
Bu meghlubiyettin bir yerliri echiship chidiyalmighan Beijing terrorchilar hökümiti pilanini özgertip tajawuzchi armiyining tik uchar ayrupilan, kürechshi ayrupilan, bombardimanchi ayrupilanlirini Lanzhou herbi rayonidin qisqa waqit ichide yötkep keldi-de, Barinliqlarni qara-qoyuq bombardiman qilip hemmisini qiriwetish üchün heriketke ötti...
Bombardiman bashlandi, Barin tupraqlirida qiyamet qayum bolghandek oqlar, bombilar üzülmey etilip turatti, böshüktiki Uyghur bowaqlar, ayallar, anilar, qizlar, balilar, dehqanlar, oqughuchilar bir-birlep shehit bolushqa bashlidi....Hayat qalghan Barinliqlarni bolsa yuquridiki resimdikidek tajawuzchi armiye cherikliri, cheteldiki bezi teshkilat we shexsler eytip yüridighan 'bigunah xitay, adettiki amma' din özligidin teshkillen'gen (xitay) 'xelq eskerliri(xitayche minbing dep ataydu) aldigha selip türmilerge elip mangdi.


Tirik tutulup qalghan Barinliqlarning intayin az qismini JX idarisining türmisige qamidi we qiynashni bashlidi.Ularning mutleq köp qismini bolsa Yuquridiki resimde körsitilgen ish-qur polk(bingtüen) türmisige qamap qiynashqa bashlidi. Barinliqlarni xitaylar ijad qilghan barliq usullar bilen qiynidi, bedenlirige tömür taxta qizitip yaqti,qizitilghan zixni bedinige sanjidi, süydük yoligha inchike polat simni sanjip hushsizlandurdi, su sepip höl qilin'ghan yalingach bedinige tok kaltigi yaqti, tok orunduqqa mejburi olturghuzdi, wujudining xalighan yerini kesip tashlidi, ustixanlirini kaltek bilen urup cheqiwetti, tayaq zerbisidin zide bolghan yerlirige achchiq tuz, much(laza) surtup echishturup qiynidi, zeherlik dorilarni ichürüp Uyghur mehbusta qandaq inkasning bolidighanliqini sinaq qildi....


Yuquridiki resimde kaltek zerbisidin yarilan'ghan putqa tuz we achchiq ximiyilik dora sepip teximu qattiq azaplashtin ötküzülgen mehbusning puti körsitilgen. Fashist xitaylarning qoligha chüshüp qalghan Uyghurlarning qandaq hessiyatqa kelgenlikini, Allahqa nime dep dua qilghanliqini, erkin dunyada yashwatqan qerindashlirining nimilerni qilishini tiligenlikini bilemsiz? Amerika qit'eside, Yawropa qit'eside, Asiyadiki döletlerde 'yazliq tetilde sayahet qilish üchün' pul tepishqa aldirap, xitaygha qarshi namayishqimu chiqmaydighan qerindashlar nomus qilmidinglarmu? Silerde insaniy wijdan digen nerse yoqmu? Türmidiki qerindashliringlar, dunyagha kelish aldidiki perzentliri xitay terrorchiliri teripidin mejburi öltürüwetilgen anilarni esinglerdin chiqiriwettinglarmu? Wetinimizdiki bayliqlarning hemmisini alwasti xitaylar bulap ketip namratliq patqiqigha paturuwetilgen xelqimizning ahu-zarini untup qaldinglarmu? Türmilerde herküni fashistik qiynashlardin ötküzülüp, künde nechche qetim ölüp nechche qetim tiriliwatqan qerindashliringlarning tul qalghan ayalliri, aniliri we yetim qalghan ballirigha yilda Amerikidin, Yawropadin, Asiyadiki özingiz turgha yerdin qanche pul iwertip berdingiz? Sizningmu rohingiz ölgenmu yaki azraq bolsimu saqlinip qalghanmu? Siz chet'elde bolghandin keyin wetiningizni besiwalghan tajawuzchi xitaylargha qoralliq qarshi turush imkaniyitingizghu yoq, qoralliq qarshi turudighan roh sizde barmu? Hech bolmighanda weten ichikdiki qerindashliringizni ashundaq wehshilerche qiynighan xitaylardin öch alidighan idiye, roh sizde barmu? İnsan emes, haywanmu tajawuzchiliqqa, hujumgha, haqaretke uchrisa öch alidighanliqini bilmemsiz? Bashqa ish qolingizdin kelmise chet'elde wetiningizdiki pajielerni özingiz turghan dölettiki kishilerge teshwiq qiling, jornal chiqiring, kitap chiqiring, xitay elchixaniliri, kishiler köp yighilidighan merkezelerge toplunup namayish qiling, tajawuzchilarning epti-beshirisini eching, wetendin yengi kelgen vizisi yoq, turalghusi yoq, yanchuqida puli yoq, ishley dise ruxsiti yoq qerindashliringizgha visa epbering, puqraliq salahiyiti epbering, turmushigha yardem qiling, xitaygha qarshi qoshuningizni chongaytishni herdahim untumang. Peshqedemlirimiz 'weten dawasi' ni kötire eliwelip, bashqa yashlarni chetke qeqip, yeklep ishqa salmay yaki terbiyilimey,özingiz turghan döletlerdiki hökümet erbapliri we teshkilat rehberlirige tonushturup izbasar yetishtürmey taki u dunyagha seper qilghiche bashqilargha yol bermey jahilliq bilen dawaning 'padishahi' ,'dektatori' bolup turuwermeng, undaq qilsingiz yashlar ikki künde qilidighan ishni siz ikki ayda qilisiz, bir kün zukamdap qalisiz, birküni mitkot bopketip putingiz aghrip betidu, yene bir küni chishingiz yaki yürikingiz aghrip qelip weten dawasini yaxshi qilalmaysiz, qilghan ishingizning ünümi intayin töwen bolup bashqilarning nepritige qalisiz. Allah hemme insanning risqini ayrim-ayrim yaratqan, qizghinip özingizdin bashqini yeklep zerbe bermeng, arqisidin gheywet qilip bashqilargha ziyankeshlik qilmang, undaq qilsingiz qiyamette jazagha tartilisiz, chünki Allah hemmini bilip turghuchidur.Ottura yash we yashlarmu wijdanliq, ghhururluq bolup xitaygha herqandaq yerde nepret bilen muamile qilishni unutmasliqi, barghanla yeride xitayning paydisigha emes, ziyinigha ish qilip mengishi lazim.Bu dunyada yüzingizni qelin qilip beshingizni ichingizge tiqip turiwalghiningiz bilen u dunyada igisi hemme hesapni toluq alidu, esingizde bolsun, qerindishim. Herqandaq ish qilsingiz Allah rizaliqi üchün qiling.


Yuquridiki resim-İsh-qur türmisidiki saqchi xitaylar chaghanni tebriklesh we köngül echish üchün türmidiki qerindashliringizning göshini otta qaqlap kawap qilip yewatqan körünüshi.

Emdi Sherqiy Türkistan'gha kelip makanlishiwalghan tajawuzchi xitaylarning 'bigunah xitay', 'adettiki amma' yaki bashqiche mexluqlar ikenligini biraz biliwalghansiz!?

Bundin keyinki hayatingizda bu pakitlarni anche-munche bolsimui hepte axirliri, tetillerde eslep qoyung. Siz eger Sherqiy Türkistan xelqi etiqad qilidighan din'gha etiqad qilmighan teqdirdimu, insaniy wijdaningiz bilen yashang we qerindashliringizgha yardem qiling, ularni qutquzuwelish üchün tirishing, bedel töleng, awal özingizdin, yeningizdin bashlang, yeningizgha yengi kelgen qerindashliringizgha quchaq eching, derdini anglang, nepritingiz köp bolsa uni sizni chetelge qechip chiqishqa mejbur qilghan ashu terrorist xitaylargha qiling. Qur'ani kerimde xitay sanga qanchilik zulum qilghan bolsa senmu shundaq jazalisang bolidu,dep eniq qilip bizge yolyoruq berilgen. Biz wetini musteqil puqralargha oxshimaymiz,bizning yükimiz bashqilardin eghir, özini Sherqiy Türkistanliq dep tonughan herqandaq Uyghur,Qazaq,Qirghiz, Özbek, Tatar, Tajikqa tajawuzchi xitaygha qarshi jihat perzdur. Undin bashqa herqandaq ish ikkinchi we üchinchi orunda turidu. Birinchi orundiki perzni qayrip qoyup 'qichishmighan yerni qashlap' söz-heriket qilmang. Yürikingizning chongqur qetida tajawuzchigha nepret, qerindashliringizgha söygü-muhebbet, Allahqa bolghan söygü we adaletni qoghdaydighan roh urghup tursun. Andin hemmimiz her ikki dunyada Sherqiy Türkistan xelqige munasip salahiyet we sherepke erishken bolimiz.

0 Comments:

Post a Comment

<< Home