23 April 2006

Hujingtao -- Aq Saray Aldidiki Reswachiliq

XKP(Xitay Komunist Partiyisi) rehberligidiki xitay tajawuzchiliri 1949-yili Sherqiy Türkistan'gha aldamchiliq, yalghanchiliq, süyiqest-hilemikir bilen tajawuz qilip kirgendin ta hazirghiche 500 mingdin artuq Uyghur,Qazaq, Qirghiz, Özbek, Tatarni partiyige, tajawuzchiliqqa, terrorluqqa qarshi turdung,dep qolgha elip türmilerde nechche yüz xil wehshi, qebih usullar bilen qiynap öltüriwetti. Resimde körginingiz ularning terrorluq usulliridin biri bolghan tirnaq astigha chish kolighuch yaki uchluq yingne sanjip azaplash qilmishidur.

Ötkenki xatirilirimizde eytip ötkinimizdek Sherqiy Türkistan miqyasida xitay tajawuzchiliri qorchaq hökümetke qarashliq we merkezge biwaste qarashliq ish-qur polkliri(bingtüen) türmilirini barghanseri köpeytip Sherqiy Türkistan xelqini biwaste qirip tügitishni tezleshtürmekte. Resimde körginingiz Qeshqer türmisining yengi merkizi binasi. Türme we üsti ochuq türmilerni qoghqanda Sherqiy Türkistanda siyasi mehbus digen qalpaq bilen Uyghur, Qazaq bolup yerim milyondin artuq munewwer oghul-qizimizni qiynap öltürdi, 50 qetimgha yezin atom bombisini etip bir milyondin köp xelqimizni radeaktipliq nur bilen zeherlep öltürdi, bowaq öltürüsh siyasitini 'pilanliq tughut' dep pedazlap, bu terrorluq wastisi bilen 9 milyon ewladimizni rehimsizlerche qirip tashlidi, göshlirini yidi, ichki ezalirini setip xejlidi. Tibet aptonom rayonida bolsa 1 milyon 200 ming Tibetni qirip tashlidi, sepilning ichide öltürgen xitaylarning sanini qepezdin chiqqan falun'gongchi xitaylardin sorisingiz dep beridu.... JKP wastiliq öltürgen, ach qoyup öltürgen insanlarning sanini istatistika qilish teximu tes.

Yuquridiki tajawuzchiliq, bulangchiliq, qatilliq, terrorluq jinayetlirining JKP biwaste pilanlighan we ijra qilghan bolup, JKP ning nöwettiki tengrisi hesaplan'ghan Hujingtao deydighan bash jallat Amerikigha ziyaretke barghanda, aldin orunlashturushqa bina'en Amerikidiki xitayning jasusliri, ghalcha oqughuchilar we mexpiy memurlar JKP ning ilgiri we hazir elip beriwatqan tajawuzchiliq, irqiy qirghinchiliq, bulangchiliq, qatilliq, terrorluq qilmishlirini yoshurup, Amerika xelqi we dunya jamaitini yene bir qetim aldash üchün Hujingtao ni Aq Saray aldida qarshi elish, mustemlikisi astidiki Uyghur, Tibet, Mongghul milletlirining milliy kiyim-kecheklirini kiyip, Sunwukongdek yüz-közlirini boyap, yüzlirini eghir tiptiki yük aptomobilining charqidek qelin qilip otturigha chiqqan. Hujingtaoning orunlashturushi boyiche ular ashu 'az sanliq gacha milletler' ge wakaliten dunya jamaiti aldida Jujingtaogha medhiye we teshekkur eytish wezipisini orunlimaqchi bolghan.

Amerikidiki bu rezil oyun'gha qatnashqan terrorchi ertislernimu chegridin qoghlap chiqirish heqqide Bush ependi bashliq A.Q.Sh hökümige iltimas sunushimiz lazim.

Aq Saraydiki murasimgha ishtirak qilghan Amerika xelqi, hökümet ezaliri, chet'ellik deplomatlar, dunyaning herqaysi jayliridin kelgen muxbirlar, xitayning dölet terrorliqi destidin eghir zulum we qirghinchiliqqa uchrawatqan Uyghur, Tibet, Mong'ghul muhajirlar hemde dahim JKP dektator we terrorchilar hakimiyitining tehditige uchrawatqan Teywenlikler, falungong murtliri aldida Hujingtao yene bir qetim reswa bolghan.


Bir tereptin Sherqiy Türkistan, Tibet, Mong'ghul, Manju we JKP ge qarshi turghan xitaylarning qenini shorap, göshini yep fashistik wastilar bilen bashturuwatqan qara niyet terrorchilar qilche nomus qilmastin Washin'gton da bu rezil oyunni oynap sehnige chiqishqa jur'et qilghan. Ular adem göshi yewerip yürigimu yoghinap ketken, dunyadiki insanlarni döt, kalwa, delte, qarghu chaghlap bundaq rezil komidiyeni oynap chiqqan.

Shunga JKP rehberligidiki xitay hökümitining BDT diki we herqaysi döletlerdiki wekil we elchilirini sepil ichidiki öz yurtlirigha qoghliwetish, Sherqiy Türkistan, Tibet, jenubi Mong'ghul, Manjuriyediki jimi xitaylarni sepil ichige qoghlap kirgüziwetish heqqide BDT ge barliq döletlerge jiddi, birleshme murajet qilishimiz, insaniyet jemiyitidiki barliq insanlar birliship bu terrorchi döletni jazalashni qisqa waqit ichide emelge ashurushimiz lazim.

Adem göshi yeydighan bu terrorchilar gorohigha qarshi turmaydighan dölet, teshkilat we shexslerni terrorchilarning destekchisi, dep qarimay bashqa amalmu yoq.

barinliq@hotmail.com

0 Comments:

Post a Comment

<< Home