Xitayning Tereqqiyati we Qenini Setip Jan Beqiwatqan Xitaylar

Xitay dunya miqyasida özlirining islahat-echiwetish siyasitining 'parlaq nuri' astida istisadining tez sür'ette rawajliniwatqanliqi, xelq turmushining intayin yaxshilinip ketkenligini namayish qilip, ottura asiyadiki yengidin musteqil bolghan Türkiy jumhuriyetlerni, afriqidiki iqtisadi ajiz döletlerni, Erep döletlirini, Türkiyeni aldap ishendürgenning sirtida Amerikadiki, Kanadadiki we yawropadiki nurghun döletlerni aldap ishendürürdi. Xitay kompartiyisi dunyada teshwiq qiliwatqan 'tereqqiyat'--peqet dengiz boyidiki az bir qisim sheherlerning aldi körünüshi bolup, xitay nopusining 80% tin köpregini teshkil qilidighan dehqanlar ayda bir kg tong'guz göshi yaki tap elip yiyishke qadir bolalmay ach-yalingach, yerliri, öyliri xitay komunist hökümiti teripidin tartiwelin'ghan halette yashimaqta. Aldinqi xatirimizde tilgha alghandek xitay dehqanlar peqet 2005- yil ichide 84 ming qetim hökümetke qarshi isyan kötergen. Bu isyanlar qanliq basturulush bilen axirlashqan bolsimu xitayning bir milyart nopusi yenila namrat halette ingrimaqta.
Sherqiy Türkistan'gha, Tibetke, Jenubi Mong'ghulgha tajawuz qilip berip, u ziminlarni bedelsiz igelliwelip, bayliqlarni we xelqning mal-mülkini bulap we qenini shorap, közlirige köz eynek taqap, boynigha gilastuk taqap ghadiyip yürgen tajawuzchilarni körüpla sizmu xitaylar bek tereqqi qilip ketiptu,-dep qalmang.
Yuquridiki resimde körginingizdek sepil ichidiki nurghun xitay dehqanlar, sheherlerde olturaqlashqan xitaylar jan beqishqa amalsiz qelip qenini setip hayat qelishqa mejbur bolmaqta.
Eger xitay döliti dunyadiki herqandaq bir dölet bilen resmi urushup qalidighan bolsa, bir nechche heptidila Beijing hökümiti himalaya taghliri, Tengritaghliri, Qaraqurum taghliri, Qurum taghliri etigige jaylashqan yeza-qishlaqlardiki ottura-bashlan'ghuch mektep oqughuchilirighiche iane toplash buyruqi elan qilidu, Mong'ghul dalasidiki ot-chöplerni orup apirip eskerlirige qaynitip berip arqa sepni kapaletlendürüsh üchün pay-petek bolidu.
Bu ghelite döletning ichki ehwalini obdan bilmeydighan Amerika, Yawropa döletliri, ottura sherq we Afriqidiki erep döletliri hetta Türkiyemu xitayning rastinla tereqqi qilghanliqigha ishinip muamile qilmaqta we hemmila yerde 'xitayning könglini ayap' nurghun milliy menpeetliridin waz kechmekte, Sherqiy Türkistandiki Türkiy xelqning ahu-zarini neziridin saqit qilmaqta yaki körmeske salmaqta.