BDT we Dunyadiki Döletler Nimishke Yardem Bermeydu?

Biz nimige muhtaj? Dunyada qolgha keltürüsh eng qiyin bolghan nersini telep qiliwatamduq?

Biz 55 yildin beri BDT bashliq herqaysi döletlerge öz derdimizni, yeni ottura asiyada xitayning gherbi shimali xoshnisi bolghan, Tengri taghlirining shimal we jenubigha jaylashqan Sherqiy Türkistan dep atilidighan tupraqning az digende sekkiz ming yildin béri bizning ikenligini, xitaylarning bu tupraqlirimizni, yeni bizning öyimizge besip kirip bulangchiliq, oghurliq, terrorchiliq, qirghinchiliq qiliwatqanliqini, unimu az dep öy igisi bolghan bizni öz öyimizde tutup öltürüp, chet'ellerde bolsa qarilap, 'Sherqiy Türkistanliqlar ezeldin tughma bölgünchi', 'tughma terrorchi' dep qara chaplap kelgenlikini eytip kelduq.

Bizning chet'elge qechip chiqip paaliyet qiliwatqan muhajirlirimiz we ular qurghan teshkilatlirimiz BDT ge dunyadiki dölet hökümetlirige bu pakitlarni 55 yildin beri üni pütüp qalghuche sözlep, yalwurup kelgen bolsimu, birer dölet yaki teshkilat chiqip bizning derdimizni teximu köp kishilerge teshwiq qiliship berish, bizning teshwiqatimiz üchün kerek bolidighan gezit, jornal, kitap, radio, televiziye istansisi qurushimizgha yardem bermigenning sirtida, ruxsetmu bermey keldi.

Terrorchi xitaylarning zulmida eziliwatqan aq köngül xelqimiz chet'ellerdiki erkin insanlardin, erkin, demokratik döletlerdin, Türkiy qerindashlardin, musulman döletlerdin we musulmanlardin yardem kütüp baqti. Ming epsuski yuqurida tilgha elin'ghan BDT we döletlerdin hech sada chiqmidi. Eksiche musulmanlar nopusi eng köp bolghan Erep döletliri, Pakistan we ottura asiyadiki Qazaq,Qirghiz, Özbek qerindashlirimiz yardem qilish u yaqta tursun, xitaygha qarshi turghan we qarshi turush ehtimali bolghan Uyghur yigitlerni xitay komunist hökümütüge tutup berip xizmet körsetti. Xitaydin u haram para we menpeet aldi.

Öy-zimin dawasini qilsaq, yeni Sherqiy Türkistanning musteqilliqi, uning xelqining erkinliki, bext-saaditini heqiqi türde emelge ashurush ghayimizni we bu eqelliy telipimizni otturigha qoysaq Gherip ellirining könglige kelermish, ulargha undaq dimey xitaylar Sherqiy Türkistan'gha xalighanche keliwersun, tajawuzchiliq, bulangchiliq, qirghinchiliqini qiliwersun, xitaylar 'aptonom rayonluq hökümiti arqiliq bizge peqet azraq erkinlik bersun, Uyghurlarni böshügide we ana qarnida öltürüshni azaytip, demokratiyeni biraz yolgha qoyushigha türtkilik qilip bersenglar, digen telepnila qobul qilarmish. Gherp dunyasini xosh qilish, ularning chishigha tegip qoymasliq üchün 'erkinliq we demokratiye' din bashqa hechqandaq adaletke munasiwetlik temilarda gep qilmasliqqa bizning teshkilatlirimiz we ziyalilirimizmu könüp qalghandek turidu. Xeli köp sandiki muhajirlirimiz gherp dunyasida chiqidighan gezit-jornallarni köp oqup weten etiqadi we diniy etiqadimu xelila özgergendek qilidu, ular 'Amerikining ottura sherq istiratigiyisi' keyinki yengi basquchqa kirgende, giloballashqan iqtisad tereqqi qilip döletlerning chegriliri emeldin qalghanda, yer asti we üztidiki bayliqlardin xitaylarni öz ichige alghan pütün dunya ortaq paydilinidighan weziyet piship yétilgende Sherqiy Türkistan xelqige erkinlik, aptonom rayon'gha demokratiye omumlishidu, deydighan epsanilerni xuddi rastinla shundaq bolidighandek hayajanlinip turup tilgha elishidiken, Sherqiy Türkistanning teqdiri bilen qilche munasiwiti bolmighan bundaq hekayilerge xuddi hediske ishen'gendek ishinidiken. Towa digülük.

Biz peqet öz öyimizde olturushni, öz öyimizde chamghuhr selip suyuq ash étip yiyishnila, bizge hidi, etiqadi, medeniyiti, niyetliri tüptin qarimu-qarshi bolghan chaqirilmighan mehmanning öz yurtigha, yeni ata-bowiliri alahide yoghan qilip sizip qoyghan seddichin sepilining ichidiki yurtlirigha qaytip ketishinila telep qilimiz. Eger yüzlirini éshekning chemidek qelin qilip chiqip ketmise qolimizdiki kitapqa eniq qilip yezilghan qanun boyiche ularni qoghlap chiqiriwetmey bashqa amalimiz yoq. Bu heqiqetni BDT, Amerika, En'giliye, Germaniye, Yaponiye....we barliq insanlar bilsun.Bizmu bashqa insanlargha oxshash öz yurtlirimizda erkin-azade yashashqa muhtajmiz. Shunga jimi normal insanlarning bizge yardem qilish mejburiyiti bar. Eger yardem bermise ularningmu göshini xitaylar yeqin kelgüside qorup, kawap qilip yaki shorpa selip yiyishke bashlaydu. Töwendiki resimlerdiki körünüshler, yeni jungxua medeniyiti pütün dunyagha yamrap ketidu!