Xitayning qiynap öltürüshidin örnek

Xitay teripidin qiynap öltürülgen bir insan.

Töwendiki xatirimizde eytip ötkinimizdek xitay komunistliri xalighanche adem tutidu, xalighan türmige yaki saqchi idarisining qazniqigha, ishxanisigha, kollektip tutqun qilghan chaghlirida türme we waqitliq tutup turush orunliri yetishmigecheke saqchi idarisining yighin zaligha, bezi idare-jemiyetning ishxana-zallirigha tutqunlarni solap qiynaydu. 1997-yili 5-fewral küni axshamda 400 ge yeqin yash Uyghur qiz-yigitni Ghuljidiki saqchi idarisining chong zaligha kollektip qamap, ularni qip-yalingach qilip nöldin töwen 20 giradus soghuq zalda tömür kaltek, tok kaltigi, miltiqning paynigi bilen qattiq urup, jallat saqcilar uruwerip maghduri qalmighandin keyin ularning üstige kali xilor(KCl) luq soghuq su sepip tonglitip öltüriwetken.

Barindin, Axtudin, Ghuljidin, Altaydin, Chöchektin, Manastin,Ürümchidin, Turpandin, Qumuldin, Korlidin, Kuchadin, Aqsudin, Uchturpandin, Shayardin, Awattin, Maralbeshidin, Peyziwattin, Mekittin, Yekendin, Yengisardin, Yengisheherdin, Xotendin, Keriyedin, Chériyedin, Loptin, Qaraqashtin, Gumadin, Qaghiliqtin, Poskamdin, Atushtin we xitayning Beijing, Shangxey, Guangzhou, Lenzhou qatarliq sheherliridin tutup ketken Uyghurlarni türmilerde chet'ellikler tesewwurmu qilalmaydighan, biz dep bersek resimini we sin'alghu (video) filimini elip kel, axbaratning chinliqigha ehmiyet bermisek bolmaydu-dep turuwalidighan weh'shi usullar bilen qiynap öltürüp keldi. Chet'ellikler xitayning bashqurush da'irisidiki chegridin kirip bu weh'shilikni tekshürüshke jür'et qilip baqmidi. Uyghurlarni, Tibetlerni, Mong'hullarni türkümlep tutqun qilip türmilerde tok kaltigi bilen bedininig eng sezgür yerlirini esheddiy ghidiqlash, köydürüsh, qiziq zixni yeqish, ewretlirige we süydük yollirigha polat simni mejburi sanjish, qizitilghan tömür taxtini yalingach bedinige yeqip daghlash, bedenning xalighan yerige pichaq tiqish, yalingachlap putini asman'gha qilip esip qoyup qoyuq tuz süyi sepip azaplash, achchiq much(laza) ni bedinige sürtüp qiynash, qolini keynige qilip aghritip turup baghlash, tom kaltek bilen qattiq urup aylanduruwetish, nerwa sestimisini buzidighan zeherlik dorilarni yimikige arilashturup mejburi yigüzüsh, narkoz dorisi bilen wujudini we mengisini mest qilip delte, sarang qilip qoyup hozurlinish, putini yaki qolini nöldin töwen 30 giradustin soghuq bolghan tempiraturida muzlutup andin qaynaq su bilen tez issitip kaltek bilen urup üziwetish, tirik turghuzup qoyup put-qolini chaniwetish, apsharkinisi bir nechche kün ach qoyup mehbusni baghlap qoyup apsharkigha tirikla turghuzup yigüzüp hozurlinish, bashqilarni qorqutup qilmighan 'jinayetliri' ge iqrar qildurush, tehdit selish, aldash, türmidin gacha yaki sarang qilip andin chiqiriwetish qatarliq türlük weh'shilikler bilen 500 ming Uyghur,Qazaq, Qirghiz, Özbek qatarliq Türkiy xelqni türmilerde öltüriwetti.

Bu san 20-esirde Sherqiy Türkistanni musteqil qilish, azat qilish urushida shehit bolghan ejdatlirimiz sanidin nechcche hesse köp bolup, bu xitay bergen 'aptonomiye' hoquqi sayisida (put-qolini baghlap qoyup, muqimliqni saqlap turup, tench, chong yaxshi weziyette) elip berilghan qirghinchiliq bolup hesaplinidu. Undaqta aptonom rayon dewride ün-tünsiz ölgen yaxshimiken yaki tajawuzchigha urush elan qilip, janni tikip küresh qilip ölgen tüzükmiken? Buni hesaplap körüsh her bir Sherqiy Türkistanliqning wijdani burchi bolsa kerek.