Yoshurun öltürüsh- xitaylarning kona aditi

Xitay komunistliri özige qarshi chiqqan puqralarni meyli xitay bolsun yaki yat millet bolsun yoshurun öltürüshni izchil dawam qilip keldi. Saqchixanilarning qazniqida, emeldarlarning qazniqida, sheher sirtidiki pin'han jaylarda xitaylarning sadiq ghalchiliri kishilerni resimdikidek boghuzlap jesidini kömüwetip iz yoqitidighan ishlar ötmüsh zamanlardin tartip dawam qilmaqta.
Xitaylar xelqimizge mushundaq muamile qiliwatsa biz ashu düshmenler'ge qandaq jawap qaytursaq bolar? Shairlarni teshkillep sheir yazghuzup, naxsha eyitsaq bolarmu? Ussul oynisaqchu? Xitaylar bilen hemkarliship 'Birleshme hökümet qurush' yaki yüksek derijidiki aptonomiye hoquqigha ige yengi aptonom rayon qurush üchün 'istiratigiyilik yighin' echip baqsaq bolarmu?
Yaki öz ichimizde saylam elip berishni ching turup, her yili bashliq yeng'güshlep islahat elip barsaq, yengi saylan'ghan rehbirimiz derijidin tashqiri bir chare tepip chiqip asanla hel qiliwétermu-ya?!
Abduxaliq Uyghur digendek ularningmu beshini kesip, kötige tepip wetinimizdin qoghlap chiqarsaq qandaq? Barin qehrimanliridek giranat, bomba, aptomat, pichaq, miltiq bilen muamile qilsaq qandaq deysiler? Yaki BDT din, Amerikidin, İnsan heqliri teshkilatidin qandaq qilishimiz toghrisida yene on besh yil yolyoruq sorap kütüp baqamduq-ya?
Xitaylar barghanseri ghaljirliship 'Uyghur aptonom rayon' digen saxta tüzümnimu toluq eytishtin yeniwelip yeqinqi yillardin beri 'Shinjiang', 'Shinjiang aptonom rayoni'-dep ataydighan we millitimizni qandaq qilghanda tamamen qirip tügitiwetish heqqide jiddi pilan tüzmekte. Texi bizning bezi kishilirimiz demokratik xitaylar hoquqni qolgha alsa bizge yoghan demokratiye beriwetidu, bizge musteqilliqni hediye qildu,-dep xiyal sürüshtin bashqa özi bolsimu ashu demokratik xitaylar aldida 'Sherqiy Türkistanning musteqilliqi' digen söznimu ularning könglini ayap dimeydiken, towa dep qalimen gayida. Epsuski, Teywendiki, Amerika qit'esidiki, Yawropa döletliridiki, Awistiraliyediki xitay köchmenler we özlirini 'demokratchi', 'aqköngül' dep atiwalghan xitaylar 'Sherqiy Türkistan' digen wetinimizning mubarek naminimu tilgha almastin, xuddi Beijing hökümitige oxshashla 'Shinjiang' , musteqilliqni teshebbbus qilghuchi Uyghurlarni bolsa 'qisqartip': 'Jiangdu fenzi'(Shinjiang musteqilliqini terghip qilghuchi unsur), eqli-hushi jayida bolghan teshkilatlirimizni bolsa 'jiangdu zuzhi' (Shinjiangni musteqil qilish bilen shughullinidighan teshkilat)- dep, xitay tajawuzchilirigha keskin qarshi turidighan teshkilatimizni bolsa 'terrorchi teshkilat'-dep beijing terrorchilar gorohi bilen yüksek derijidiki birdeklikni saqlash arqiliq, xelqarada wetinimning mubarek nami we bizning muqeddesi heqqani kürishimizning köpligen kishiler teripidin tonulushi shu arqiliq hesdashliqqa we qollashqa erishishige jeninig beriche tosalghu bolmaqta. Chet'eldiki bu xitaylar Beijing terrorchilar gorohigha chandurmay heqliq yaki xalisane yardem bermekte.

Mushundaq ehwal astida özimizdin bolghan nami chiqip qalghan bezi 'erbaplar' mu xitaygha texsikeshlik qilip, yoshurun yardem berip we xitaygha chüshinishlik bolsun,dep wetinimizning mubarek namini xunuklashturup 'Shinjiang' dep atap kelmekte.
Mushu resimdiki weh'shiliklerni, fashistik qilmishlarni del wetinimizni 'shinjiang'-dep ataydighanlarning qilghanliqini hergiz esimizdin chiqirip qoymasliqimiz lazim.