Xitay Tajawuzchilirining Sherqiy Türkistandiki Türmiliri

Resimde Qeshqer wilayitidiki yeza igilik 3-diwiziye türme bashqurush idare bashliqi herqaysi türme bashliqliri bilen 2006-yili Uyghurlarni köplep tutush we qiynap öltürüsh nishani we wezipisini ashurup orundash heqqide 'mes'uliyetname' imzalimaqta(2006-yil 1-ayning 22-küni, Maralbeshi Tumshuq shehridiki türme jallat saqchilirini terbiyilesh merkizi)

Resimde 3-diwiziye siyasi qanun komitetining da'imi muawin sekirtari Huai Fuchun jallat türme saqchilirigha teqdirname we mukapat puli tarqatmaqta.Bu yil 22-yanwarda diwiziyege qarashliq ilghar saylan'ghan 50 türme wekili we 192 ilghar saqchi mukapatlan'ghan.

Qeshqer Maralbeshi Tumshuq shehridiki ish-qur(bingtüen) partikom yeza igilik 3-diwiziye siyasi qanun komiteti bash sekirtari, diwiziye bashliqi Yanxiuye(soldiki qéri qarghu jallat) ilghar saylan'ghan türme bashliqlirigha teqdirname tarqatmaqta we Sherqiy Türkistan xelqini dawamliq qirghin qilish üchün ilhamlandurmaqta. Türme xizmet yighinigha 3-diwiziye türme bashqurush idarisi partikomining muawn sekirtari, idare bashliqi Zhang Rongsheng, 2005-yilliq türme xizmitidin doklat bergen.Yighin'gha Muawin bashliq Fan Kai, Shorköl rayoni we türme bashqurush idarisigha qarashliq türmiler gorohining wekilliri, qoralliq saqchi 3- ottura etret rehberliri qatnashqan.

Yighinda 3-diwiziyediki barliq türmiler(peqet ilghar saylinip mukapatlan'ghini ellik türme bolup hemmisininig qanche ikenligi namelum) toluq seperwerlikke kelip 11-besh yilliq pilan jeryanida Qeshqer wilayiti teweside tutqun qilishni teximu kücheytish, nishan we wezipe turghuzup basturushni kücheytish toghrisida mexsus yolyoruq bergen. Xitayning 11- besh yilliq pilan digini 5 yil ichide Sherqiy Türkistanni ongushluq bulash, Uyghur, Qazaq we Qirghizlarni 5 yil ichide köplep tutup qiynash, öltürüsh, bulangchiliq we qirghinchiliqqa qarshi chiqqan we qarshi chiqish ehtimali bolghanlarni tutqun qilip dawamliq öltürüsh qatarliq mezmunlarni öz ichige alidu.

Qeshqer wilayitige jaylashqan yeza igilik 3-diwiziye Qeshqer wilayitining xeritisini özliri xalighanche sizip, memuri rayonlargha bölüp bashqurushni wezipe qilghan bolup, Maralbeshi nahiyisi Tumshuq yezisigha Tumshuq xitay shehri dep atilidighan sheher tesis qilghan bolup, Uyghur mehbuslarni eghir emgekke salidighan boz yer özleshtürüshni qoshumche, türme köpeytish we qirghinchiliqni tezleshtürüsh, tutqun qilidighan Uyghurlarni aldin pilan tüzüp we barliq üstün texnika-üskünilerni ishqa selip wehshi qiynash, Uyghur mehbuslarni eghir emgekke selish we qiynap öltürüshni birleshtürüsh qatarliq nishan hemde wezipilerni öz üstige alghan.

İsh-qur (bingtüen) türmiliri we bu terrorchilar gorohining ishlirigha Sherqiy Türkistanliqlarni qet'i yeqin keltürmeslik, fashistik qilmishlarni sirtqa bildürmeslik, chet'ellerge mutleq mexpi tutush, tutqun qilin'gha Uyghurlarning aile-tawabatigha qaysi türmige qamighanliqi we qandaq qiynap öltürgenliki heqqide qet'i chüshenche hem xewer bermeslik we izini yoqutuwetish, bekrek sürüshte qilghan Uyghurlarni ulapla qolgha elish we ün-tünsiz basturuwetish...qatarliq siyasetliri ijra qilish bilen bille ilghar, wehshi, qatil, fashist saqchilar qoshunini yetishtürüp, qatilliq we wehshilikte wezipini ashurup orundaydighan türmilerni köpeytishni orunlashturghan.

Qeshqer wilayitige jaylashqan 'Shinjiang İshlepchiqirish-qurulush Polkliri' gha qarashliq yeza igilik 3-diwiziyening Maralbeshi Tumshuq shehridiki diwiziye türme bashqurush idarisi terbiyilesh merkizi binasining 3-qewitidiki yighin zalida 2006-yili 1-ayning 22-küni 'Xitay yeza igilik 3-diwiziye türme xizmet yighini' echilghan. Bu resim yighin zalidin bir körünüsh.

Sherqiy Türkistan'gha tajawuzchiliq, bulangchiliq we Uyghur,Qazaq, Qirghiz, Özbek, Tatar qatarliq tupraq we mülk igilirini öltürüsh üchün Xitay komunist partiyisi hakimiyiti teripidin 1950-yillardin etibaren iwertilgen İsh-qur (xitayche Bingtüen deydu) polkliri Sherqiy Türkistanning Qumul, Turpan, Korla, Aqsu, Qeshqer, Xoten, Altay, Chöchek, İli, Ürümchi we shimalidiki munbet tupraqlirimizgha waba virusliridek yamrap ketken bolup, JKP we xitay tajawuzchi hökümitining qorchaq hökümiti bolghan 'Uyghur aptonom rayonluq hökümet' tin bashqa Beijing hökümitige biwaste qarashliq bu alahide bulangchi- qatillar gorohi (ish-qur polkliri), jamaet xewpsizlik idariliri, dölet bixeterlik idariliri, edliye idarisi, sot mehkimisi, türmiliri tesis qilghan bolup, bu pewqul'adde terrorchilar gorohi Sherqiy Türkistan tupraqlirini we tebi'i bayliqlirini bulap-talighandin bashqa Uyghur, Qazaq, Qirghiz, Özbek, Tatar qatarliq zimin igilirini dawamliq tutqun qilip öz türmiliride xalighanche paji'elik qiynap öltürmekte we ichki ezalirini setip xejlimekte.
Bu resimde körginingizdek peqet Qeshqer wilayitidiki 'yeza igilik 3-diwiziye' türme bashqurush idarisi 2005-yilliq Uyghur tutush we qiynap öltürüsh xizmitide 50 türmini xizmet körsetken, ilghar bolghan, digen 'sherep' ni berip mukapat tarqitip bergen bolsa Qeshqer wilayitidiki 3-diwiziyege qarashliq ilghar saylinalmighan türmilerning sani qanchidu? Oylap baqsingiz sanla biliwalisiz.
Aqsu wilayitige jaylashqan yeza igilik 1-diwiziyeside qanche türme bardu? Xoten wilayitidiki, tengri taghning shimali we sherqidiki ish-qur polklirida nechche yüz türme bardu?
1950-yillardin 1990-yillarghiche 500 ming Uyghur, Qazaqni tutqun qilip türmilerde qiynap öltüriwetti.

Mushundaq qatilliq, fashistlik, terrorluq bilen közliri qizirip ketken, qolliri Sherqiy Türkistan xelqining qanliri bilen qip-qizil boyalghan xitay tajawuzchi hökümiti we kompartiye bash sekirtari Hujingtao ni mehman qiliwatqan Amerika hökümitige biz yuqurida tilgha elin'ghan pakitlarni yetküzüsh arqiliq bizge insaniy muamile qilishini, qatillargha, fashistlargha we terroristlargha yarishidighan siyasetlerni yürgüzishini tewsiye qilimiz. Amerika hökümiti eger gepimizni, hesretlirimizni, pighanlirimizni anglimay dawamliq bu xitay jinayetchiliri bilen til biriktürse, ulargha yardem berse, Sherqiy Türkistan köchmenlirini qobul qilmasliq, yurt ichide irqiy qirghinchiliqqa uchrawatqan xelqimizning nidalirigha qulaq salmisa undaqta qatilning dosti,dep qaraymiz we erkinlik, demokratiyei adaletperwer dölet, dunyaning saqchisi, dektator hökümranlarning ediwini bergüchi...digendek sözlerge hergizmu ishenmeymiz we xelqimizge, dunyagha shundaq teshwiq qilimiz.

BDT we Amerika bashliq barliq dölet hökümetlirining Qeshqer wilayitidiki Uyghurlarni tutqun qilish we qiynap öltürüshte wezipini ashurup orundap mukapatlan'ghan 50 türme we bashqa wilayetlerdiki türmilerge mexsus ziyaret, tekshürüsh ömiki iwertip ularning wezipini qandaq orunlighanliqi we bundin keyin qandaq nishan tüzüp qandaq ijra qilmaqchi bolghanliqini eniqlishini soraymiz.

Bu pakitlarni xitaylar töwendiki bette ehtiyatsizliqtin elan qilip salghan bolup, betimizde elan qilin'ghanliqini körgendin keyin echilmaydighan qilip qoyushi yaki öchüriwetishi mumkin.

http://www.btnews.com.cn/news/2006-1-23/2006123175510.htm

Chünki xitay hökümran sinipi ezeldin tughma yalghanchi, kazzap, wediside turmaydighan, adem göshi yeydighan, anisidin bashqa herqandaq nersining saxtisi bolghan gheyri normal kishiler we terroristlardur. Ulargha ishinish, ulardin shepqet tilesh--axmaqliq, dötlük we normalsizliqtin bashqa nerse emes. Tayaqtin bashqisi bu insan qelipidin chiqqan apetlerge rast gep qilduralmaydu.

Amerikidiki UAA, Rabiye xanim wexpisi, Kanadadiki jemiyitimiz we Yawropadiki, Asiyadiki teshkilatlirimiz yalghan geptin saqlinip, xitaylar heqqidiki rast geplerni, bu bette tilgha elin'ghan we elinmighan pakitlarni qilche yoshurmastin otturigha qoyup xitay terrorchilirini BDT din qoghlap chiqirish we dunya insanlirining ortaq jazalishi heqqide jiddi heriket qilishini soraymiz.

barinliq@hotmail.com