Hessiyatqa tayinip tutqun qilish we xalighanche öltürüsh

Xitay komunist oghriliri, bulangchiliri, qatilliri, zalimlirigha we ularning qabahetlik hakimiyitige qarshi turghuchilar meyli öz neslidin(xitay) bolsun, meyli Uyghur bolsun, meyli Qazaq bolsun, meyli Qirghiz bolsun, meyli Özbek bolsun, meyli Tatar bolsun, meyli Tibet bolsun, meyli Mong'ghul bolsun, er bolsun yaki mezlum ayal bolsun qilche rehim qilmastin hessiyatigha asasen tutqun qilidu, öz iradisi boyiche qamaq jazasigha, ölüm jazasigha höküm qilip 'qoralliq saqchi' -dep atilidighan qatiiiar gorohi arqiliq resimdikidek chöllerge, sheher sirtidiki bosh yerlerge yaalap elip chiqip etip tashlaydu we meyit igisidin oq puli- dep pul ündüriwelip u pulgha qoralliq saqchi we bashqa saqchilar shu axshimi erzan resturanni tepip, erzan tamaqlar bilen haraq ichip köngül achidu. Yeqinqi 20 yildin beri SHerqiy Türkistanda qetliam qilin'ghan Uyghur shehitlerning murdisinimu igisige qayturup bermestin, ichki ezalirini xitay terrorchilar kesip elip setip xejleydighan, shehit wujudining weh'shi qiynashlirida qiyma-yarma zide bolup ketken qismini sheher sirtidiki mexsus belgilen'gen 'bölgünchilerni kömüsh orni' gha apirip topa kolash mashinisi (Tütüji) bilen chongqur kolap qan-yiring bilen boyalghan kiyimliri bilen qoshup kömüwetidighan boldi. Bu shehitliklerni ziyaret qilishmu cheklen'gen bolup, kimki ziyaretke barsa 'bölgünchining rohigha dua qilghuchi kandidat bölgünchi' digen töhmet bilen qolgha elinidighan boldi. Bundaq ziyaret men'i qilin'ghan mazarlar Sherqiy Türkistanning hemme nahiyiliride tepilidu. Bu shehitliklerni xitay saqchilar ziyaret qilishqa urun'ghanlarni tutup öltürüsh üchün nöwet bilen saqlaydu.