11 April 2006

Xitay komunistliri we Milliy Munapiqlar

Dunyawi qatil Maozeydong we milliy munapiq Seypidin Ezizi
Xitay kompartiyisining kattiweshi, 100 milyon adem öltürgen dunyawi qatil Maozeydong 1949-yili qeri jallat Sitalin bilen til biriktürüp Sherqiy Türkistan jumhuriyitining Exmetjan Qasimi, Abdukerim Abbasop, Delilqan, İs'haqbeg qatarliq dölet rehberlirini Moskuwadiki Rus komunistlirining dölet bixeterlik komiteti (KGB) türmiside qiynap öltürgendin keyin, Rus komunistlirining ghalchisi, ziyali Burhan Shehidini Sherqiy Türkistan hökümitini bikar qilish, Shinjang ölkisini eslige keltürüp Burhan Shehidini re'is qilip östürüsh sherti bilen textke chiqarghan. Hechqandaq bedelsizla qolgha kelgen ghayet zor olja--Sherqiy Türkistan tupraqliri we uning barliq hoquqlirini Sitalindin tapshurup alghan komunist Maozeydong 1955-yili dunya jama'iti we Sherqiy Tüekistan xelqini aldash we türkümlerge bölüp yoqutushning tunji qedimi bolghan parqiraq ton- 'Shinjang Uyghur aptonom rayoni' ni qurup, özige sadiq bolidighanliqigha toluq ishen'gen we emel üchün hemmini pida qilishqa hazir Uyghur ghalcha Seypidin Ezizini bu aptonom rayon'gha re'is qilip teyinligen. 1955-yili Uyghur we bashqa Türkiy xelqlerni qanunluq yoqutush üchün xitaylar daghdam yol echiwalghan yil bolup hesaplinidu.
Maozeydong Sherqiy Türkistan tupraqlirini mehkem tutup idare qilish üchün we Seypidinning sadiqliqini ashurush üchün özi ölgiche re'isliq hoquqini Seypidin'ge beridighanliqi heqqide wede bergen. Emeliyettimu Maozeydong ölgen 1976-yil ghiche Uyghur aptonom rayonining partiye, armiye we hökümetning asasliq hoququlirini Seypidin Ezizi qolida tutup turghan. Seypidin Ezizi özige bundaq xeyr-xaliq qilghan dahi--Maozeydong'gha we xitay millitige yüz kelelmey ta ölgiche ulargha qarshi hechqandaq heriket qilmighan we qilishqa buyruq bermigen.
Burhan Shehidi bilen Seypidin Ezizi Sherqiy Türkistanning satqili bolidighan nersilirini asasen setip bolghan bolup Maodeydong'gha BeijingdaUyghurlarning tonini keygüzgen.
Maodeydong ölüsh aldida Seypidin toghrisida iz basarlirigha wesiyet qaldurghan bolup, Mao ölgendin keyin Seypidinni Shinjangdiki barliq hoquqliridin eliwetip Beijing'gha yötkep kelish, yengi Uyghur ghalchilarni ornigha teyinlesh, pat-pat almashturup turush, Uyghur,Qazaqlarni öltürüshte merkez bilen izchil maslashqanlarni dahim maxtap qoyup ishlitishi aile tawabatigha we uruq-tuqqanlirigha alahide etiwar berish heqqide tapilighan.
Tömür Dawamet, İsmayil Ehmed, Ablet Abdureshit, Janabil, İsmayil Tiliwaldi qatarliq ghalchilar Burhan Shehidi we Seypidin emelge yaraydighan mallarning hemmini setip bolghanchqa ular emdi Sherqiy Türkistandiki bayliqlarni bixeter halda xitaygha yötkep ketish, xitay nopusini bixeter, qanuniy yosunda Sherqiy Türkistan'gha yötkep kelip makanlashturush, Sherqiy Türkistan xelqini türkümlerge bölüp öltürüp yoqutushtin ibaret müshkül wezipilerge qattiq sinaq arqiliq tallap teyinlen'gen bolup, xizmitini dawam qilmaqta we ailisi bu dunyada bext qushi qon'ghan halda yashimaqta. U dunyada qandaq qilar?

0 Comments:

Post a Comment

<< Home