Xitay komunistik partiyisining pozitsiyisi

Mana bu xitay kompartiyisining pozitsiyisi.

Xitay hökümiti din'gha, bolupmu İslam dinigha etiqad qilidighan Sherqiy Türkistan musulmanlirini, tengridin özining, ailisining, yurtdishining, qerindishining, öz xelqining we insanlarning xatirjemligi, bext-saaditini tileshni könglige pükken yaki tiligen, ibadet qilghanlarni xuddi bu körünüshke oxshash pozitsiye bilen qanliq basturup keldi. Qanunsiz diniy unsur, qanunsiz diniy paaliyet, diniy radikal, adaletperwer, heqqaniyetchi, oghrigha qarshi idiyeni teshwiq qilghuchi, oghrini öydin qolighuchi, bulangchining ediwini bergüchi, rohi saghlam unsur, imani kamil unsur, öz wetinige xitay tajawuzchilirining kelishini xalimaydighan unsur, kepbolghan xitay oghrilarni, qatillarni we aile-tawabatlirini öydin qoghlap chiqirishni pilanlighan unsur....digendek 'keskin' qarar we tedbirlerni qollinip oghurluq, bulangchiliq, qatilliq, meynetchilik, rezillik, iplasliq, buzuqchiliq, insan qelipidin chiqish, dunyani aldash, bigunah kishilerni öltürüp aghzini etish....qatarliq jinayetlerni dawam qilmaqta. Emdi biz nime ish qilishimiz lazim? Gep qilsaq tilimizni kesse, heriket qilsaq put-qolimizni sundursa, oylisaq idiologiye sahesidiki heqiqetni terghip qilghuchi-dise? Öltürülüshni kütüp yatamduq? Naxsha usulghan usta bolghandin keyin düshmen aldida qiziqarliq sen'et nomuri orunlap bersek, köngül echish bilen bolup ketip bizni öltürüshni untup qalarmu? Yaki keyimki künlerdiki köngül echishqa lazim bolup qalar-dep bizge rehim qilip qalarmu? Biz qanche yashqa kirimiz? Ölmemduq? Allah aldida hesap bermemduq? Qehriman ata bowilirimizgha nime dep jawap berimiz? Ewladlirimizgha nime dep jawap berimiz? Ewladlargha nimini miras qilip ketmekchimiz? Bizde hech bolmisa adaletni qoghdaydighan roh yoqmu?!